ပစ္စုပ္ပန် ခရီးသည်

“ ပစ္စုပ္ပန် ခရီးသည် ”

ကျွန်တော့်ရှေ့မှာ မြင်နေရတဲ့ ကျွန်တော်ဟာ
ဘယ်အထိများ သွားမှာပါလိမ့်
ရှေ့မှာ ဘယ်နှစ်မှတ်တိုင် ကျန်ပါသေးသလဲ ?
ကျွန်တော်ကတော့ အိုမင်းလာပြီ
တဖြည်းဖြည်း .... ....

ကျွန်တော့်နောက်က ကျွန်တော်ကရော
ဘယ်အထိ ဆက်လိုက်နေမှာလဲ
ဖြတ်ခဲ့တဲ့လမ်းမှာ တစုံတခုများ ထားခဲ့ပါသလား
ကျွန်တော်ကတော့ အိုမင်းလာပြီ
တဖြည်းဖြည်း .... ..... ...

ဒီအချိန်
ကျွန်တော်ကရော ကျွန်တော် ဟုတ်ပါရဲ့လား?
မနေ့ကနဲ့ မနက်ဖြန်ကြားမှာ ရှင်သန်တယ်
ကျွန်တော့်ကို ကျွန်တော် ဗဟိုပြုပြီးလည်တယ်
ကျွန်တော်က ..... .... ... .... .... ...
ပစ္စုပ္ပန် ခရီးသည်

ချီရွန် ( ပုလဲ )